काठमाडौं, साउन ३ । एसिसी इमर्जिङ टिम्स एसिया कपमा आज नेपाल र युएईए बीच खेल हुँदैछ। नेपाली समय अनुसार अहिले विहान १०ः १५ बजेदेखि श्रीलंकाको पि सारा ओभल कोलोम्बोमा सुरु हुने खेलमा नेपालको यो अन्तिम खेल हो।
यस प्रतियोगितामा नेपाल अहिले सम्म खेलेका दुवै खेलमा पराजय भोगेर पहिलो चरणबाटै बाहिरी सकेको छ । नेपालले पहिलो खेलमा पाकिस्तान ए संग तथा दोश्रो खेलमा भारत ए संग पराजय भोगेको हो । नेपाल पहिलो खेलमा पाकिस्तानसँग १ सय ७९ र दोश्रो खेलमा भारतसँग १ सय ६७ रनमा अल आउट भएको थियो।
नेपाल पहिलो खेलमा पाकिस्तान ए सँग ४ विकेट र दोस्रो खेलमा भारत ए सँग ९ विकेटले पराजित भएको थियो। युएई भारतसँग ८ र पाकिस्तानसँग १ सय ८४ रनले पराजित भएको थियो। आजै भारत ए र पाकिस्तान ए बीच पनि खेल हुँदैछ ।
