गगन र विश्वप्रकाशलाई लक्ष्मी खतिवडाको चेतावनी : हामीले पनि विकल्प खोज्छौं भन्नुपर्ने अवस्था नआओस

काठमाडौं, ३ साउन । नेपाली कांग्रेसकी केन्द्रीय सदस्य लक्ष्मी खतिवडाले महामन्त्रीद्वय विश्वप्रकाश शर्मा र गगनकुमार थापालाई सबैको नेता बन्नेगरि अघि बढ्न सुझाव दिएकी छिन् । उनले पार्टीमा दायरा फराकिलो बनाउन महामन्त्रीद्धयलाई सुझाईन् । पार्टीको केन्द्रीय कार्यसमितिको बैठकमा बोल्दै नेतृ खतिवडाले यस्तो चेतावनी दिएकी हुन् ।

उनले महामन्त्रीद्धयको नामै लिएर उनीहरुले सबैको नेतृत्व गर्ने गरी अगाडि नबढे विकल्प खोजिने चूनौति दिएकी हुन् । कांग्रेसलाई सही मार्गमा लैजानको लागि काम गर्न पनि उनले महामन्त्रीहरुलाई सझुाव दिईन् । उनले भनिन्,‘महामन्त्री हामी सबैको नेतृत्व लिने गरेर अगाडि बढ्नुहोला । तपाईँहरूले दायरा फराकिलो बनाउनुभएन भने हामीले जसरी तपाईँहरू अरू कसैको विकल्प खोज्छौँ भन्नुहुन्छ, हामीले पनि तपाईँहरूको विकल्प खोज्छौँ भन्नुपर्ने अवस्था नओस् । त्यतातर्फ ध्यान दिनुहोला ।’

https://www.facebook.com/nepalicongresshq/videos/998324401323280