काठमाडौं, साउन ४ । सूर्य नेपाल प्रालिले नयाँ उत्पादन मंगलदीप सयपत्री पूजा अगरबत्ती नेपाली बजारमा सार्वजनिक गरेको छ। आकर्षक प्याकेजिङ भएको सयपत्री अगरबत्तीको हरेक प्याकमा ९ इन्चका ४० वटा काँटीहरु हुन्छन्।
प्रत्येक प्याकको बिक्री मूल्य ५० रुपैयाँ निर्धारण गरिएको छ। अगरबत्तीमा सयपत्री फुलको सुगन्ध भएकाले हरेक शुभ कार्यका निम्ति उपयुक्त हुने कम्पनीले जारी गरेको विज्ञप्तिमा उल्लेख छ।
कलात्मक कौशलले बनाइएको, सयपत्री अगरबत्तीको प्याकेजिङ उच्चस्तरीय रहेको कम्पनीले जनाएको छ। मंगलदीप पुजा अगरबत्तीअन्तर्गत चम्पा, सुपर चम्पा, जस्मिन, चम्पा चमेली, चन्दन, लेवेन्डर, अर्पण, त्रेया, पुष्पाञ्जली, त्रिसारालगायतका विभिन्न ब्राण्डहरुमा बजारमा उपलब्ध छन्।
