काठमाडौं, साउन ५ । नेपाली कांग्रेस केन्द्रीय समिति बैठक आज पनि बस्दै छ । केन्द्रीय कार्यालय सानेपामा अहिले बिहान ११ बजेबाट सुुरु हुने बैठकमा आज पनि केन्द्रीय सदस्यहरूले आ आफ्नो धारणा राख्नेछन् । बिहीबारको बैठकमा ३५ केन्द्रीय सदस्यले धारणा राखेका थिए ।
केन्द्रीय सदस्यहरूले पार्टीका शीर्ष नेताहरूले नै गुटको नेतृत्व गर्दा पार्टी विभाजित बनेको भन्दै आपत्ति जनाएका थिए । बैठकको सामाजिक सञ्जालमार्फत लाइभ हुँदै आएकोमा भने केन्द्रीय सदस्यहरूले नेतृत्वको प्रशंसा गर्दै आएका छन् ।
