काठमाडौं, साउन १५ । राष्ट्रिय स्वतन्त्र पार्टीका प्रमुख सचेतक सन्तोष परियार प्रधानमन्त्री पुष्पकमल दाहाल ‘प्रचण्ड’ लाई भेट्न बालुवाटर पुगेका छन् ।
संसदीय समितिको सभापति चयन र संसदलाई प्रभावकारी बनाउने विषयमा छलफल गर्न प्रमुख सचेतक परियार बालुवाटर पुगेका हुन् ।
परियारले प्रधानमन्त्रीसँगको भेटमा समिति सभापति नहुँदा विधेयकमाथि प्रभावकारी छलफल हुन नसकेकाले सभापति चयनको प्रक्रिया अगाडि बढाउन प्रधानमन्त्रीको ध्यानाकर्षण गराएको जनाएका छन् । सदनको अवरोध हटाउने विषयमा पनि छलफल भएको उनले बताए।
