काठमाडौं, साउन १८ । नेकपा (एमाले) का महासचिव शंकर पोखरेलले आफुलाई नयाँ शक्ति भन्नेहरुले कस्तो समाजको परिकल्पना गरेर महिलाका लागि मात्र भनेर सार्वजनिक यातायात संचालन गर्न खोजेको होलान भनेर सामाजिक सञ्जालमार्फत जिज्ञासा राखेका छन् ।
राष्ट्रिय स्वतन्त्र पार्टीले चितवनमा शुरु भएको महिलाका लागि मात्र सार्वजनिक यातायातले सामाजिक विभेदलाई प्रश्रय दिने बताउँदै उनले समाज कता जाँदैछ भनेर समेत प्रश्न गरेका छन्।
रास्वपाका सभापति रवि लामिछानेले आफू निर्वाचित भएको १०० दिन पुगेको अवसरमा बुधबार चितवनमा महिलाका लागि सार्वजनिक यातायात सुरु गरेपछि सामाजिक विभेद अन्त्य गर्न विगतमा महत्त्वपूर्ण भूमिका खेलेको चितवनमा यो कदमले सकारात्मक सन्देश नदिने उनको भनाइ छ।
