काठमाडौं, साउन २८ । आज नेपाली कांग्रेस संसदीय दलको बैठक बस्दैछ। नयाँ बानेश्वरस्थित संसद् भवनको ल्होत्से हलमा दिउँसो साढे १२ बजे बस्ने बैठकमा आफ्ना सांसद डा. सुनिल शर्मा पक्राउ प्रकरणबारे छलफल हुने जनाईएको छ ।
यस्तै बैठकमा संसद्मा भइरहेको अवरोधका विषयमा पनि छलफल हुने बताइएको छ। नक्कली शैक्षिक प्रमाणपत्र प्रकरणमा एक रात प्रहरीको केन्द्रीय अनुसन्धान व्यूरो (सिआइबी)को हिरासतमा रहेका शर्मालाई काठमाडौँ जिल्ला अदालतले थुना बाहिरै राखेर अनुसन्धान गर्न आदेश दिएपछि हिरासत मुक्त भईसकेका छन् ।
