काठमाडौं, २८ साउन । नायिका तथा समाजसेवी एलिजा गौतमले सक्रिय राजनीतिमा फर्किने संकेत गरेकी छिन् । नागरिक उन्मुक्ति पार्टी परित्याग गरेर राजनीतिबाट टाढा बनेकी गौतम पूनः सक्रिय राजनीतिमा फर्किनेगरि अघि बढेकी छिन् । उनले आज (आइतबार) एमाले अध्यक्ष तथा पूर्व प्रधानमन्त्री केपी शर्मा ओलीसँग भेटवार्ता गरेकी छिन् । ओलीसँगको भेटबारे उनले सामाजिक सञ्जालमार्फत तस्विरसमेत सार्वजनिक गरिन् ।
सो क्रममा उनले लेखेकी छिन्-
नेकपा एमालेका अध्यक्ष एवम् पूर्व प्रधानमन्त्री केपी शर्मा ओली बुवासँग बालकोटमा विशेष भेटवार्ता। भेटमा बुवाले दर्शाउनु भएको सद्भाव, माया, आशीर्वाद, प्रेरणा, उर्जा र मार्गनिर्देशनप्रति अनुगृहीत छु। बुवाको राजनीतिक अनुभव, चेतना र आत्मविश्वास मेरा लागि अनुकरणीय छ। बुवासँगको भेटबाट कलाकारितासँगै राजनीति र समाजसेवा गर्ने मेरो चाहना र हुटहुटीमा मलजल पुग्नुका साथै फलदायी बन्नेछ।
