काठमाडौं, ८ भदौ । राप्रपा नेपालका अध्यक्ष कमल थापा झण्डै दुई वर्षपछि पूनः राजसंस्थाको एजेण्डा बोकेर अघि बढेका छन् । राप्रपामा अध्यक्ष पदमा राजेन्द्र लिङ्देनसँग पराजित भएका थापाले महाधिवेशनको मुखमै पत्रकार सम्मेलन गरेर आफूलाई निर्मल निवासले हराएको गम्भीर आरोप लगाएका थिए । थापाले राप्रपा परित्याग गर्दै राप्रपा नेपाललाई सक्रिय बनाएका थिए ।
त्यतिमात्रै होईन थापाले राजसंस्थाको एजेण्डा नै छोडेको घोषणा गरे । र, गणतन्त्रको एजेण्डा आत्मसात गरेका थिए । तर, पछिल्लो समय राप्रपामा अध्यक्ष राजेन्द्र लिङ्देनमाथि घेराबन्दी हुन थालेपछि भने उनी पूनः राप्रपामा नै फर्कनेगरि राजसंस्थाको एजेण्डामा फर्किएका हुन् ।
यो बीचमा थापाले पूर्वराजा ज्ञानेन्द्र शाहसँग पनि सम्बन्ध सुधारेको उनीनिकट नेताहरुको दाबी छ । पार्टीको हालैको केन्द्रीय समितिको बैठकमा दस्तावेज सार्वजनिक गर्दै उनले अबको गन्तव्य समृद्ध हिन्दू अधिराज्य भनेका छन् ।
हेरौं थापाको दस्तावेज
