काठमाडौं, भदौ १३ । एसिया कपको १६ औँ शृङ्खलामा आज नेपालले विश्व क्रिकेटको महारथी पाकिस्तानसँग प्रतिस्पर्धा गर्दैछ ।
नेपालले पहिलो पटक विश्वको नम्बर एक एकदिवसीय टिम पाकिस्तानविरुद्ध खेल्न लागेको पूर्वसन्यामा नेपालले एतिहासिक जित हात पारोस भन्दै नेपाली खेल समर्थकहरुले पशुपतिनाथ मन्दिरमा पुजा गर्दैछन् ।
३० हजार दर्शक क्षमताको पाकिस्तानको मुल्तान क्रिकेट रंगशालामा नेपाली समय अनुसार दिउँसो सवा ३ बजे हुने उद्घाटन खेलमा नेपाललाई सफलताको कामनासहित नेपाली समर्थकहरुले पशुपतिनाथमा पुजा गर्न पुगेका हुन् ।
नेपालले भदौ १८ गते श्रीलङ्कमा हुने खेलमा नेपालले अर्को महाशक्ति टिम भारतको सामना गर्ने छ। नेपाल, पाकिस्तान र भारत एसियाली कपको एउटै समूहमा परेका छन्। अर्को समूहमा परेका बङ्गलादेश, श्रीलङ्का र अफगानिस्तानसँग भने नेपालले अर्को चरणमा प्रवेश गरे मात्र खेल्न पाउने छ।
