काठमाडौं, भदौ २० । नेपाली महिला क्रिकेट टिमले टी–२० विश्वकपको एशिया छनौट खेल अन्तर्गत समुह चरणको अन्तिम खेलमा आज युएईको सामना गर्दै छ । मलेसियामा हुने यो खेल नेपाली समय अनुसार बिहान ७ः १५ बजेदेखि शुरु हुने छ ।
समुह ए बाट नेपाल र युएई सेमिफाइनलमा पुगिसकेपनि यो खेलबाट समुह विजेताको टुंगो लाग्ने छ । अहिले दुवैले यसअघि खेलेका चारै खेल जितेपनि नेट रनरेटको आधारमा युएई शिर्ष स्थानमा रहेको छ ।
नेपालले यसअघि कतार, मलेसिया, बहराइन र भुटानलाई पराजित गरिसकेको थियो । सेप्टेम्बर ९ सम्म संचालन हुने यस एशिया छनौटमा १२ देशले भाग लिएका छन् । जसमा नेपाल समुह ए मा रहेको छ ।
