काठमाडौं, २२ भदौ । नेपाल समाजवादी पार्टीकी नेतृ मानुषी यमी भट्टराईले एमाले अध्यक्ष केपी शर्मा ओलीसँग भेटवार्ता गरेकी छिन् । ओलीलाई भेट्न मानुषी बालकोट पुगेकी हुन् ।
ओलीसँगको भेटवार्ताको तस्विर सार्वजनिक गर्दै मानुषीले समसामयिक विषयहरुमा छलफल भएको जनाएकी छिन् । गत मंसिरमा सम्पन्न निर्वाचनमा मानुषीले काठमाडौं क्षेत्र नम्बर ७ बाट प्रतिष्पर्धा गरेकी थिईन् ।
तर, उनी रास्वपाका गणेश पराजुलीसँग पराजित भएकी थिईन् । पछिल्लो समय उनी बुवा डा. बाबुराम भट्टराई नेतृत्वको नेसपाको राजनीतिमा सक्रिय छिन् । ओली भेट्न उनी आफ्ना पति जिकेन्द्र श्रेष्ठलाई पनि लिएर बालकोट पुगेकी हुन् ।
