काठमाडौं, २४ भदौ । नेकपा (एकीकृत समाजवादी) का अध्यक्ष तथा पूर्व प्रधानामन्त्री माधवकुमार नेपालले वर्तमान सरकारले राम्रो काम गरेको भन्दै प्रधानमन्त्री पुष्पकमल दाहाललाई धन्यवाद दिएका छन् ।
आज (आइतबार) हेटौंडामा आयोजित समाजवादी मोर्चाको सन्देश सभालाई सम्बोधन गर्दै अध्यक्ष नेपालले यस्तो बताएका हुन् । सो अवसरमा उनले नेपाली जनता निराश हुनुनपर्ने पनि विश्वास दिलाए । उनले अहिले सरकारको नेतृत्व जनताका एउटा सफल योद्धाले गरेको भन्दै अब देशले एउटा नयाँ युगमा प्रवेश गर्ने बताए ।
सम्बोधनको क्रममा नेपालले भने,’एउटा मान्छेले राम्रो काम गर्दागर्दै पनि राम्रो भन्न सकिएन भने त्यो मान्छेको मनोवल गिर्न सक्ने सम्भावना हुन्छ तसर्थ राम्रो कामलाई राम्रो भन्नुपर्छ ।’ तस्विर : प्रदीपराज वन्त/प्रम दाहालको सचिवालय
