काठमाडौं, असोज १। राष्ट्रिय विज्ञान दिवसका अवसरमा आज नेकपा (एमाले) ले अन्तरक्रिया कार्यक्रम गर्ने भएको छ ।
एमाले विज्ञान तथा प्रविधि विभागले आज दिउँसो साढे २ बजे केन्द्रीय पार्टी कार्यालयमा अन्तरक्रिया कार्यक्रम गर्न लागेको हो । आज हुने सो कार्यक्रममा अध्यक्ष केपी शर्मा ओलीले सम्बोधन गर्नेछन् ।
आज राष्ट्रिय विज्ञान दिवस, २०८० मनाइँदैछ । दिवसका लागि ‘विज्ञान साक्षरता र उद्यमशीलताः सबल अर्थतन्त्रको आधारशीला’ भन्ने आदर्श वाक्य तय गरिएको छ ।
