काठमाडौं, १ असोज । संस्कृति, पर्यटन तथा नागरिक उड्ययनमन्त्री सुदन किरातीले पशुपतिनाथको बसर्पाकमा अनियमितता र कानूनको गम्भीर उल्लंघन देखिएको भन्दै सम्झौता भंग गरेको घोषणा गरेका छन् । सामाजिक सञ्जालमार्फत उनले यसअघिको सम्झौता भंग गरेको र अर्को प्रक्रिया नहुँदासम्म पार्किङको निःशुल्क व्यवस्था गरिएको जानकारी दिएका छन् ।
मन्त्री किरातीले फेशबुकमा लेखेका छन्–‘पशुपतिनाथको बसपार्कमा अनियमितता र कानुनको गम्भीर उल्लंघन देखिएकोले सम्झौता भंग गरिसकिएको छ, अर्को प्रक्रिया पुरा नहुँदा सम्म पार्किङ्ग निःशुल्क गरिएको जानकारी गराइन्छ ।
