काठमाडौं, असोज ४ । नेपाली कांग्रेस केन्द्रीय कार्यसमितिको बैठक आज बस्दैछ । बैठक दिउँसो १ बजे ललितपुरको सानेपास्थित पार्टी मुख्यालयमा बस्न लागेको हो ।
यसअघि बैठक असोज २ गतेका लागि तय भएको थियो । पार्टी कार्यालयका मुख्य सचिव कृष्णप्रसाद पौडेलले एक विज्ञप्ति जारी गरि बैठक आजका लागि सारेका थिए ।
बैठकमा केन्द्रीय कार्यसमितिका पदाधिकारी एवं सदस्यहरूलाई बोलाइएको छ । बैठकको मुख्य एजेन्डा महासमिति बैठकको तयारी रहेको छ । महासमिति बैठक मंसिर १३ देखि १५ सम्म बोलाइएको छ ।
बैठकमा पोलिसी ह्याकाथन, बीपी साहित्य महोत्सव, साउन २० देखि ३० सम्मको संगठन सुदृढीकरणको समीक्षाका साथै समसामयिक राजनीतिक विषयमा छलफल हुने जनाइएको छ ।
