काठमाडौं, असोज ६ । मुगु सदरमुकाममा गमगढीमा भीषण आगलागी हुँदा ८ घर जलेर नष्ट भएका छन् । शुक्रवार राती १२ बजे भएको आगलागीबाट गमगढी बजारका ८ घरहरू र ती घरहरूमा रहेका ९ पसल,गोदाम जलेका छन् ।
जलेका घरहरू तार्के लामा , सोनाम लामा, ऐडी, सान्तोना खत्री, पन्च सेजुवाल, प्रदीप रावल, पुतली शाही पद्मराज मल्लको टिनको टहरा, रहेको बताइएको छ । उक्त घरका सटरहरूमा रहेको व्यापारिक मालसामानहरूका साथै घरका अन्य माल सामान गरी करोडौंको क्षेती हुन सक्ने अनुमान गरिएको छ ।
आगो नियन्त्रणका लागि नेपाल प्रहरी,सशस्त्र प्रहरी,नेपाली सेना,नगर प्रहरी र स्थानीय बासिन्दाहरू खटिएका छन्। गमगढी खानेपानीको पानी प्रयोग गरि आगो नियन्त्रण गर्ने प्रयास जारी छ ।
आगो के कसरी लाग्यो भन्ने कुराको जानकारी प्राप्त हुन सकेको छैन भने क्षतिको एकिन विवरण आउन बाँकिनै रहेको प्रहरीले बताएको छ । रातिको समयमा आगलागी भएपनि कुनै मानवीय क्षति भने भएको छैन् ।
