काठमाडौं,१६ असोज । १९ औँ एसियाली खेलकुदअन्तर्गत पुरुष क्रिकेटको क्वाटरफाइनलमा भारतविरुद्ध २ सय ३ रनको लक्ष्य पछ्याएको नेपालले तेस्रो र चौथा विकेट गुमाएको छ । । तेस्रो विकेटको रुपमा कुशल मल्ललाई गुमाएको हो । मल्ल २९ रनमा आउट भए । २२ बलको सामना गरेका उनी २ चौका र २ छक्कासहित २९ रनमा आउट भए । मल्ल पनि आउट भएपछि नेपालको ब्याटिङ संकटमा परेको छ । त्यस्तै मल्ल लगत्तै कप्तान रोहित पौडेल पनि तीन रनमै आउट भएका छन् ।
नेपालका ओपनार कुशल भुर्तेल २८ रन बनाएर आउट भएका थिए । भने अर्का ओपनर आसिफ शेख १० रनमै आउट भएका थिए । नेपालले ताजा अवस्थामा १० ओभरमा ४ विकेछट गुमाएर ७१ रन बनाएको छ ।
त्यसअघि टस जितेर ब्याटिङ थालेको भारतले निर्धारित २० ओभरमा ४ विकेट गुमाएर २०२ रन जोडेको थियो । भारतका यसस्वी जैसवाल एक सय रन जोडेर आउट भए। उनले ४८ बलमा सतक पुरा गरेका थिए।
रुतुराज गाइक्वाडले २५ रन बनाए। रिंकु सिंहले १५ बलमा ३७ रन बनाए। नेपालका दीपेन्द्रसिंह ऐरीले दुई तथा सोमपाल कामी र सन्दीप लामिछानेले एक एक विकेट हात पारे। भारतले एक सय ३ रन जोड्दा पहिलो विकेट गुमाएको थियो। भारतले अन्तिम दुई ओभरमा मात्र ३९ रन जोड्यो।
अविनाश बोहराले २० औँ ओभरमा २५ रन खर्चिएका थिए। अविनाशले ४ ओभरमा ५३ रन दिए। सन्दीपले ३ ओभरमा २८, सोमपालले ४ ओभरमा ३८, रोहित पौडेलले ३ ओभरमा २६ र दीपेन्द्रले ४ ओभरमा ३१ रन खर्चिए।
