काठमाडौं, असोज २१। नेपाली सेनाका प्रधान सेनापति आज बेलायत प्रस्थान गर्दैछन् । प्रधान सेनापती प्रभुराम शर्मा बेलायती सेनाका जनरल सर प्याट्रिक स्याण्डर्सको निमन्त्रणामा बेलायतको औपचारिक भ्रमणका लागि आज त्यसतर्फ प्रस्थान गर्न लागेका हुन् । उनी ६ दिनसम्म बेलायतमा नै रहने छन् ।
सो क्रममा प्रधानसेनापति शर्माले त्यहाँस्थित बेलायती गोर्खा सैनिकको मुख्यालय, रोयल कलेज अफ डिफेन्स स्टडिज्, रोयल मिलिटरी एकेडेमी स्यान्डहर्स्टको स्थलगत अवलोकन र भ्रमण गर्ने तथा क्याम्ब्रीयन पेट्रोलमा सहभागी टोलीसँग भेटबार्ता गर्नेछन् । उनी असोज २७ गते स्वदेश फर्कने छन् ।
