काठमाडौं,२१ असोज । शिक्षा विज्ञान तथा प्रविधिमन्त्री अशोककुमार राईले प्रस्तावित शिक्षा विधेयकले शिक्षकहरुको ट्रेड युनियनको अधिकारलाई सुनिश्चित गरेको बताएका छन् ।
आइतबार बसेको प्रतिनिधि सभाको बैठकमा शिक्षा विधेयकका बारेमा सांसदहरुले उठाएका प्रश्नको जवाफ दिँदै मन्त्री राईले संविधानले गरेको व्यवस्थालाई आत्मसाथ गर्दै शिक्षकहरुले संविधानसम्मतरुपमा पाउने हक र अधिकारलाई विधेयकले पूर्णरुपमा आत्मसाथ गरेको दाबी गरेका छन् ।
उनले शिक्षक महासंघको माध्यमबाट ट्रेड युनियन हक स्थापित गराइएको बताए । “हामीले शिक्षकहरुलाई व्यावसायिक र पेशगत हक अधिकारका लागि शिक्षक महासंघको माध्यमबाट, यो भन्नेबित्तिकै संघहरु हुने भए, यो माध्यमबाट बोल्न पाउने व्यवस्था अघि सारेका छौँ,” उनले भने ।
