इस्लामाबाद, २४ असोज । पाकिस्तानको उत्तरपश्चिम खैबर पख्तुनख्वा प्रान्तमा सुरक्षा बलले गरेको छुट्टाछुटुटै कारवाहीमा दुई जना आतङ्ककारी मारिएको पाकिस्तानी सेनाले जनाएको छ ।
सेनाले प्रान्तीय डेरा इस्माइल खान जिल्लाको जासुसी–आधारित कारवाहीमा दोहोरो भिडन्तमा एक आतङककारीलाई मार्न सफल भएको सेनाको मिडिया शाखाले इन्टर सर्भिस पब्लिक रिलेसनले विज्ञप्तिमा उल्लेख गरेको छ । मारिएका आतङ्ककारी आतङ्ककारी हमला तथा सुरक्षा बल बिरुद्ध गतिविधिमा सक्रिय रहेको सेनाले जनाएको छ ।
यसैगरी उत्तरी वाजिरिस्तान जिल्लामा आतङ्ककारीसँग भएको अर्को भिडन्तमा सेनाले लुकेर बसेका अर्का आतङ्ककारीलाई मारेको जनाएको छ । उक्त आतकङ्कारीबाट हतियार र गोलाबारुद बरामद गरेको पनि सेनाले बताएको छ । रासस
