काठमाडौं, असोज २७ । पर्यटन उद्यमी अभिषेक विक्रम शाह आउट स्ट्याङ्डिङ हस्पिटालिटी अवार्डबाट सम्मानित भएका छन् । पर्यटन क्षेत्रमा पु¥याएको योगदान कदर गर्दै शाहलाई एशियन प्रोफेस्नल एचिभमेन्ट अवार्ड अन्तर्गतको आउट स्ट्याङ्डिङ हस्पिटालिटी अवार्ड प्रदान गरिएको हो ।
वेष्ट रिेसोर्टका सञ्चालक शाहलाई सिजन मिडियाको आयोजनामा गरिएको विशेष कार्यक्रममा प्रधानमन्त्री पुष्पकमल दाहाल प्रचण्डले उक्त अवार्डबाट सम्मानित गरेका हुन् । पर्यटन क्षेत्रमा दुई दशकभन्दा बढी समयदेखि आवद्व रहेका शाहले होटल र मोटेल प्रशासन तथा व्यवस्थापनमा स्नातक हासिल गरेका छन् ।
सोल्टी होटलबाट आफ्नो व्यवासायिक यात्रा सुरु गरेका उनीसँग ह्यात रेजेन्सी, समिट ग्रुप होटल एण्ड रिसोर्टमा काम गरेको अनुभव रहेको छ। उनले चन्द्रागिरि हिल्स लिमिटेडको महाप्रबन्धकको रूपमा सात वर्ष काम गरिसकेका छन् । शाहले भारतको पर्यटन विकास निगमबाट सन् २०१९ मा प्रतिष्ठित “वर्षको सबैभन्दा युवा महाप्रबन्धक“ पुरस्कार प्राप्त गरेका थिए ।
यसबाहेक, पर्यटन र आतिथ्य उद्योगमा पुर्याएको अतुलनीय योगदानको कदर गर्दै उनलाई सर्टिफिकेट वर्ल्ड बुक अफ रेकर्ड, लन्डनमार्फत अन्तर्राष्ट्रिय मान्यता प्रदान गर्रिएको थियो। नेपाल सरकारले राष्ट्रको लागि उत्कृष्ट सेवाको कदर गर्दै प्रबल जनसेवा श्री पदकबाट सम्मानित गरेको थियो ।
