काठमाडौं, ५ कार्तिक । लामो समयसम्म नागरिकताको लागि आन्दोलन गरेर चर्चामा आएका इन्द्रजी साफीसहित तीन जना युवाहरु केहीबेर प्रहरीको हिरासतमा परेका छन् । पक्राउ पर्नेमा साफीसहित गौतम शर्मा र प्रेम साह रहेका छन् ।
उनीहरु आज (शनिबार) साँझ महाअष्टमीको अवसरमा भद्रकाली मन्दिरको दर्शन गर्न पुगेका थिए । सो क्रममा ठूलो संख्यामा प्रहरी परिचालन भएको देखेपछि को आउँदैछ ? भनि चासो राखेका थिए ।
उनीहरुले चासो राखेकै कारण प्रहरीले पक्राउ गरी अनामनगर प्रहरी चौकीमा ३० मिनेट राखेको र त्यसपछि पुलिस क्लब, भृकुटीमण्डपमा राखिएको थियो । उनीहरुलाई साँझ ६ः४५ बजे रिहा गरिएको जनाईएको छ ।
