काठमाडौं,१४ कार्तिक । आईसीसी टी-२० क्रिकेट अन्तर्गत एसिया क्षेत्रको फाइनल खेलमा ओमानले लगातार दोस्रो जित हात पारेको छ । सोमबार भएको पहिलो खेलमा ३२ रनले हराएको ओमानले मंगलबार भएको खेलमा सिंगापुरमाथि २२ रनको जित निकाल्दै सेमिफाइनल नजिक पुगेको हो ।
ओमानले दिएको १७५ रनको विशाल लक्ष्य पछ्याएको सिंगापुर निर्धारित २० ओभरमा ८ विकेटको क्षतिमा १५२ रनमा समेटिएपछि ओमानले २२ रनको जित हात पारेको हो ।
आजै हुने समूह ‘ए’ को अर्को खेलमा नेपालले मलेसियालाई पराजित गरेमा एक खेल अगावै ओमान र नेपाल दुबै देश सेमिफाइनलमा प्रवेश गर्नेछन् ।
सोमबार भएको खेलमा सिंगापुरलाई ८ विकेटको फराकिलो अन्तरले पराजित गरेको नेपाल आजपनि उच्च लयका साथ मैदान प्रवेश गर्नेछ । भने लगातार दुई खेल हारेको सिंगापुर भने प्रतियोगीताबाटै बाहिरिने पक्का भएको छ ।
