काठमाडौं, १४ कात्तिक । गैरआवासीय नेपाली संघ (एनआरएनए) को कार्यालय बालुवाटारमा बद्री केसी र आरके शर्मा समर्थकबीच हात हालाहाल भएको छ । आज (मंगलबार) भएको उक्त घटनामा बेल्जियम निवासी एनआरएनए अभियन्ता ओम शर्माको दाँत भाँचिएको छ ।
आरके शर्माको टिमले एमाले निकट युवा संगठन राष्ट्रिय युवा संघका कार्यकर्ताले आफूहरुमाथि आक्रमण गरेको आरोप लगाएका छन् । एनआरएनएको ११औं महाधिवेशनमा आरके शर्मालाई नेकपा (माओवादी केन्द्र) को समर्थन रहेको थियो भने बद्री केसीलाई नेकपा (एमाले) को समर्थन रहेको थियो ।
विद्युतीय प्रणालीमार्फत भएको एनआरएनएको निर्वाचनमा धाँधली भएको भन्दै आरके शर्मा र महेश श्रेष्ठले परिणाम नस्वीकार्ने बताएका थिए ।
