काठमाडौं,१५ कार्तिक । नेपाली कांग्रेसका सभापति शेरबहादुर देउवा प्रमुख प्रतिपक्षी दल नेकपा एमालेले आयोजना गरेको चियापान कार्यक्रममा सहभागी भएका छन् ।
एमालेले यसवर्ष पनि बडा दशैं, तिहार, छठ तथा नेपाल संवतको अवसर पारेर आज चियापान तथा शुभकामना आदानप्रदान कार्यक्रम आयोजना गरेको थियो ।
नेकपा एमालेका अध्यक्ष केपी शर्मा ओलीद्धाराआयोजित कार्यक्रम पार्टी मुख्यालय च्यासलमा जारी रहेको छ । चियापान तथा शुभकामना आदानप्रदान कार्यक्रममा सहभागी हुन् पूर्व प्रधानमन्त्रीसमेत रहेका देउवा एमाले मूख्यालय च्यासलमा पुगेका हुन् ।
चियापान कार्यक्रममा हालसम्म प्रधानमन्त्री पुष्पकमल दाहाल प्रचण्ड, पूर्व प्रधानमन्त्रीद्धय झलनाथ खनाल, बाबुराम भट्टराई ,कांग्रेस सभापति शेरबहादुर देउवा, राष्ट्रिय सभा अध्यक्ष गणेशप्रसाद तिमिल्सिना, पूर्व सभामुख अग्नि सापकोटा, पूर्व उपप्रधानमन्त्रीहरु रवि लामिछाने, चित्रबहादुर केसी, पूर्वमन्त्रीहरु रामकुमारी झाँक्री, पम्फा भुसाललगायतका नेताहरु च्यासल पुगेका छन् ।
