काठमाडौं,१७ कार्तिक । नेपाल-टी २० विश्वकप २०२४ का लागि छनोट भएपछि प्रतिनिधि सभाका सभामुख देवराज घिमिरेले बधाई दिएका छन् । सामाजिक सञ्जालमार्फत घिमिरेले बधाई दिएका हुन् ।
यूएईविरु४को खेलपछि घिमिरेले लेखेका छन् ‘टी -२० विश्वकप छनोट एसिया क्षेत्रको सेमिफाइनलमा यूएईलाई हराउँदै नेपाल ट्वान्टी -२० विश्वकपमा प्रवेश गरेकोमा नेपाली टिमलाई बधाई’
आज भएको एसिया छनोटको सेमिफाइनल खेलमा यूएईलाई ८ विकेटले पराजित गर्दै नेपाल विश्वकपका लागि छनोट भएको हो ।
मूलपानी मैदानमा १३५ रनको लक्ष्य पाएको नेपाल ८ विकेटले विजयी भएको थियो । प्रतियोगिताको उपाधिका लागि अब ओमान र नेपालबीच प्रतिस्पर्धा हुनेछ ।
