काठमाडौं,२६ कार्तिक । नेपालको पाँच दिने भ्रमण सकेर चिनियाँ कम्युनिष्ट पार्टीको सिजाङ स्वायत्त क्षेत्रका सचिव वाङ चुनछेङ कोलम्बो प्रस्थान गरेका छन् ।
बुधबार काठमाडौं आइपुगेका चिनियाँ नेताहरुले भ्रमणका दौरान उच्चस्तरीय भेटवार्ता गरेका थिए ।
भ्रमणको क्रममा उनले राष्ट्रपति रामचन्द्र पौडेल,उपराष्ट्रपति रामसहाय प्रसाद यादव, प्रधानमन्त्री पुष्पकमल दाहाल प्रचण्ड, नेकपा एमालेका अध्यक्ष केपी शर्मा ओली, राष्ट्रियसभा अध्यक्ष गणेश तिमिल्सिना लगायतसँग भेटवार्ता गरेका थिए । उनीहरुले भक्तपुर दरबार स्क्वायर र वसन्तपुर अवलोकन पनि गरेका थिए ।
चुनछेङको टोलीलाई बिदाई गर्न यहाँस्थित चिनियाँ राजदूत छेन सङ त्रिभुवन विमानस्थल पुगेका थिए ।
