मोरङ, कार्तिक २७ । मोरङको उर्लाबारीमा रहेको एक सुन पसलमा आगलागी हुँदा प्रहरीसहित करिव २७ जना घाइते भएका छन् ।
सोमबार राति १० बजेतिर स्थानीय दीपक कार्कीको घरमा रहेको सुन पसलमा भएको आगलागी निभाउन गएका चार प्रहरीसमेत घाइते भएका थिए ।
घाइतेहरू उपचारका लागि मध्ये केहीलाई विराटनगर र केहीलाई झापाको बिर्तामोड पठाइएको छ । घाइते मध्य केहीको अवस्था गम्भीर छ । घटनाबारे विस्तृत विवरण आउन समय लाग्ने मोरङ प्रहरीले जनाएको छ ।
आगो लागेको करिब ३ घण्टापछि मध्यरात १२ बजे नियन्त्रणमा आएको थियो । आगलागीबाट भएको क्षतिको विस्तृत विवरण सङ्कलनको काम भइरहेको प्रहरीले जनाएको छ ।
