काठमाडौं,१ मंसिर । रुपन्देहीमा बस दुर्घटना हुँदा २० जना घाइते भएका छन् । गएराती काठमाडौंबाट दाङ जाँदै गरेको बस रुपन्देहीको देव दह नगरपालिका वडा नम्बर ८ भलुहीमा दुर्घटना हुँदा २० जना घाइते भएका छन् ।
बा प्र ०३–००१ नम्बरको बस गए राति १२ बजेतिर सडकबाट करिब ३÷४ मिटर तल पल्टिएको थियो । बसमा सवार ३८ यात्रुहरूमध्ये २० जना घाइते भएको थिए । घाइतेहरू मध्ये २ जना गम्भीर , ५ जना मध्यम र अरू १३ जना सामान्य घाइते भएको प्रहरीले जनाएको छ । प्रहरीले बस चालक प्युठान झिमरुकका प्रदीप परियारलाई प्रहरीले नियन्त्रणमा लिएर थप अनुसन्धान सुरु गरेको जनाएको छ ।
