काठमाडौं,३ मंसिर । सन् २०२४ मा हुने युरो कप २०२४ को छनोट खेलमा पुन एकपटक फ्रान्सले सनसनीपूर्ण प्रदर्शन गरेको छ ।
शनिबार राती भएको खेलमा जिब्राल्टरविरुद्ध सनसनीपूर्ण प्रदर्शन गर्नेक्रममा फ्रान्सले १४ गोल गरेको छ । यसअघि नै युरो कपमा छनोट भइसकेको फ्रान्सले विश्व वरियतामा १ सय ९८ औं स्थानमा रहेको जिब्राल्टरलाई १४-० ले हराउँदै आफ्नो लयलाई कायमै राखेको छ ।
फ्रान्सका लागि केलियन एमबाप्पेले ३, ओलिभर गिरोड र किङ्सली कोम्यानले समान २ तथा डेम्बेले, एड्रियन रेबियट, युसुफ फोफाना, जोनाथन क्लास, मार्कस थुराम र वारेन जायर एमरीले एक एक गोल गरे । खेलमा सुरुवाती अग्रता फ्रान्सले आत्मघाती गोलमार्फत लिएको थियो ।
