काठमाडौं,३ मंसिर । सशस्त्र प्रहरी बल नेपालले रौतहटबाट ४ थान अत्याधुनिक हतियार बरामद गरेक छ।
सशस्त्रको इन्टेलिजेन्स ब्युरोले रौतहटस्थित यमुनामाइ नगरपालिका–३ स्थित एक घरबाट आइतबार दिउँसो ९ एमएम पेस्तोल ३ नाल, त्यसमा लाग्ने गोली १३ गोटा, म्याग्जिन ६ वटा तथा एयर गन १ नाल समेत बरामद गरेको हो ।
उक्त स्थानमा हातहतियार किनबेच भईरहेको सूचना पाएपछि प्रहरी त्यहाँ पुगेको थियो । हतियारसहित मोबाइलको सिमकार्ड, मोबाइल, शेख एजाज अहमदको नाममा जारी गरिएको नागरिकता पनि बरामद भएको छ । घटनामा हालसम्म कसैलाई पनि पक्राउ नगरिएको र थप अनुसन्धान भईरहेको प्रहरीको भनाई छ ।
