काठमाडौं,३ मंसिर । इलाममा बस दुर्घटना हुँदा एक बालकको मृत्यु भएको छ । आइतबार धनुषाबाट इलाम आएको ना ६ ख ८४२४ नम्बरको बस मेची राजमार्गबाट करिब तीन सय मिटर तल झरेको थिो । बसमा सवार ३७ जनामध्ये एक बालकको ज्यान गएको प्रहरीे जनाएको छ ।
शैक्षिक भ्रमणको शिलशिलामा इलामको कन्याम पुगेर फर्कदै गरेको बस दुर्घटनामा परेको थियो ।
धनुषाको जनकपुरबाट विद्यार्थी बोकेर इलामको कन्याम पुगेको आइतबार बेलुका कन्यामबाट फर्कने क्रममा रोङ गाउँपालिका– ३ कोल्बुङमा दुर्घटना भएको प्रहरीले जनाएको छ । मृतक बालक धनुषाकै भएपनि उनको सनाखत हुन नसकेको प्रहरीको भनाइ छ । घाइतेहरुलाई उद्धार गरेर अस्पताल पठाईएको प्रहरीले जनाएको छ ।
