काठमाडौं,४ मंसिर । सत्तारुढ दल नेपाली कांग्रेसको पार्टी पदाधिकारी बैठक जारी रहेको छ ।
सभापति तथा पूर्व प्रधानमन्त्री शेरबहादुर देउवाको निवास धुम्बाराहीमा बैठक बसिरहेको हो । बैठकमा समसामयिक राजनीतिक घटनाक्रम, महासमिति बैठक तयारी, भूकम्पपीडितका समस्यालगायत विभिन्न विषयमा छलफल हुँदैछ।
कांग्रेसले पुस १६ गतेदेखि गोदावरीमा महासमिति बैठक गर्ने तयारी गरेको छ। बाँकी रहेका जिल्लाहरूमा महासमिति सदस्य चयनका लागि अधिवेशन पनि भइरहेका छन्।
