काठमाडौं, मंसिर ५ । फिफा विश्वकप फुटबल–२०२६ र एएफसी एसियन कप २०२७ को संयुक्त छनोट अन्तर्गत आज नेपाल र यमन भिड्दैछन् । खेल त्रिपुरेश्वरस्थित दशरथ रङ्गशालामा बेलुका ७ बजेदेखि शुरु हुने छ ।
फिफा वरीयतामा यमन १५६ औं र नेपाल १७३ औं स्थानमा छ । यसअघि गएको बिहीवार दुबईमा भएको पहिलो खेलमा समूहकै सबैभन्दा बलियो टोली यूएईसँग नेपाल ४–० गोलले पराजित भएको थियो । यमन पनि पहिलो खेलमा घरेलु मैदानमा बहराइनसँग २–० गोलले पराजित भएको थियो ।
