काठमाडौं,५ मंसिर । उच्च अदालतका मुख्य न्यायाधीशमा नियुक्तिका लागि ६ जनाको नाम सिफारिस भएको छ ।
मंगलबार बसेको न्याय परिषद्को बैठकले उच्च अदालतका मुख्य न्यायाधीश नियुक्तिका लागि ६ जनाको नाम सिफारिस गरेको हो ।
परिषद् बैठकले रिक्त रहेका ६ मुख्य न्यायाधीश पदपूर्ति गर्न ६ जनालाई सिफारिस गरेको हो । मुख्य न्यायाधीशका लागि सिफारिस भएकाहरूमा लोहितचन्द्र शाह,माधव पोखरेल,रमेश राजभण्डारी, श्रीकान्त पौडेल, नित्यनन्द पाण्डे र शान्तिसिंह थापा रहेका छन् ।
शाहलाई सुर्खेत, पोखरेललाई पोखरा, राजभण्डारी, बिराटनगर, पौडेललाई, जनकपुर, पाण्डेलाई तुलसीपुर, थापालाई दिपायलका लागि सिफारिस गरिएको परिषद् श्रोतले जानएको छ ।
