काठमाडौं, ७ मंसिर । नेकपा (एमाले) को युवा संगठन राष्ट्रिय युवा संघ र राष्ट्र, राष्ट्रियता, धर्म, सस्कृति र नागरिक बचाउ महाअभियानका अध्यक्ष दुर्गा प्रसाईँले आयोजना गरेको विरोध प्रदर्शनको र्याली भक्तपुरबाट निकालिने भएको छ ।
एमालेका प्रभावशाली नेता एवं राष्ट्रिय युवा संघ नेपालका इन्चार्ज महेश बस्नेतको नेतृत्वमा हुन लागेको उक्त प्रदर्शनमा एमालेले सरकारको काम कारबाहीमाथि प्रश्न उठाउँदै प्रर्दशन गर्न लागेको हो । त्यस्तै दुर्गा प्रसाईँ नेतृत्वका आन्दोलनकारीहरुले व्यवस्थानै उल्टाउने भन्दै आन्दोलनको उद्घोष गरेका हुन् ।
दुवै पक्षबीचको रस्साकासीलाई लिएर प्रशासनले एकै ठाउँमा कार्यक्रम आयोजना गर्न नदिए पनि दुवै पक्षको र्याली भने भक्तपुरबाटै निस्कने भएको छ ।
