काठमाडौं,१४ मंसिर । नवौं अन्तर्राष्ट्रिय व्यापार मेला-२०२३ काठमाडौंमा सुरु भएको छ ।
बिहीबार प्रतिनिधि सभाका सभामुख देवराज घिमिरेले नेपाल उद्योग वाणिज्य महासंघको आयोजनामा काठमाडौंमा सुरु भएको नवौं अन्तर्राष्ट्रिय व्यापार मेला-२०२३ को उद्घाटन गरेका हुन् ।
मेला उद्घाटनसत्रमा बोल्दै सभामुख घिमिरेले कोभिड महामारीपछि थलिएको अर्थतन्त्र सुधार गर्न, नेपाली व्यवसायीहरुको आत्मविश्वास बढाउन र लगानीमैत्री वातावरण बनाउँदै आर्थिक गतिविधि बढाउन मेलाले सहयोग गर्ने विश्वास व्यक्त गरेका छन् ।
