चन्द्र भण्डारीको दाबी- कांग्रेस कार्यकर्ताले शेखर कोइरालालाई सभापति भएको हेर्न चाहेका छन्

काठमाडौं,१५ मंसिर । नेपाली कांग्रेसका केन्द्रीय सदस्य तथा प्रतिनिधि सभा सदस्य डा. चन्द्र भण्डारीले कांग्रेसका आम कार्यकर्ताले डा। शेखर कोइरालालाई पार्टी सभापति भएको हेर्न चाहेको बताएका छन् ।

शुक्रबार कांग्रेस नवलपरासीको प्रथम सम्मेलनलाई सम्बोधन गर्दै भण्डारीले कोइराला वर्तमान र भविष्य हेर्न सक्ने नेता भएको बताए ।

‘एक पटक कांग्रेसजन र नेपाली जनताले शेखर कोइरालालाई कांग्रेस सभापति भएको हेर्न चाहेका छन्,’उनले भने,‘शेखर वर्तमान र भविष्य हेर्न सक्ने नेता हुन् ’।

महामन्त्री गगन थापाप्रति इंगित गर्दै केन्द्रीय सदस्य भण्डारीले सभापति बन्छु भनेर उफ्रेर मात्रै नहुने बताए ।

‘सभापति बन्छु भनेर उफ्रेर मात्रै हुँदैन । जनता र कार्यकर्ताले पत्याउनु पर्ने र आशा गरेको व्यक्तित्व हुनुपर्छ,’ उनले भने ।