काठमाडौं,१८ मंसिर । नेकपा (एकीकृत समाजवादी) ले आज पत्रकार सम्मेलन गर्ने भएको छ ।
पार्टी मुख्यालय आलोकनगरमा जारी सचिवालय बैठकका निर्णयबारे जानकारी दिन पत्रकार सम्मेलन डाकिएको हो । पत्रकार सम्मेलन अपराह्न चार बजे बोलाइएको छ ।
एकीकृत समाजवादीले आगामी माघ १४ देखि १८ गतेसम्म राष्ट्रिय महाअधिवेशन गर्ने मिति घोषणा गरे पनि तयारी अभावका कारण सार्ने तयारी गरेको छ ।
बैठकले महाधिवेशनका लागि अर्को मिति तोक्ने तयारी गरेको छ । साथै बैठकमा अन्तरपार्टी निर्देशन (अपानि) कार्यान्वयनबारे समेत छलफल हुने नेताहरूले बताएका छन् । यसअघि जारी भएको अपानि फिर्ता गर्ने अघिल्लो सचिवालय बैठकले गरे पनि फिर्ताका लागि पत्राचार नभएको भन्दै नेताहरूले असन्तुष्टि जनाउँदै आएका छन् ।
