काठमाडौं,१८ मंसिर । प्रधानमन्त्री पुष्पकमल दाहाल प्रचण्डले रुसी सेनामा कार्यरत ६ जना नेपालीको ज्यान गएको जानकारी गराएका छन् ।
कोप २८ को सम्मेलनबाट फर्किएपछि सोमबार प्रधानमन्त्री तथा मन्त्रिपरिषद्को कार्यालयमा आयोजित सम्पादकहरुसँगको छलफलमा प्रधानमन्त्री दाहालले सो जानकारी गराएका हुन् ।
त्यसक्रममा प्रधानमन्त्री प्रचण्डले नेपाली नागरिकले रुसको तर्फबाटमात्र नभएर युक्रेनको तर्फबाट पनि युद्ध लडिरहेको जानकारी गराए ।
‘रुसी सेनामा मात्र गएका छैनन् नेपाली, युक्रेनको तर्फबाट पनि लडेका छन्,’ प्रधानमन्त्री प्रचण्डले भने, ‘रुसी सेनामा गएका ६ जनाको मृत्यु भइसकेको छ।’
