काठमाडौं,२२ मंसिर । नेकपा एमालेका अध्यक्ष तथा पूर्व प्रधानमन्त्री केपी शर्मा ओलीलाई पोखरामा कालोझण्डा देखाईएको छ ।
एमालेले थालेको झुलाघाट चिवाभञ्ज्याङ समृद्धिका लागि संकल्प यात्रा अन्तर्गत पोखरामा रहेका ओलीलाई त्यहाँस्थित युवाहरुले कालोझण्डा देखाएर यात्राको विरोध जनाएका हुन् । आफ्नो घर छेउमा बाटो स्तरोन्नती नभएको आरोप युवाहरुले लगाएका छन् ।
ओली पोखराबाट बेगनास हुँदै लमजुङतर्फ गएका छन् । सुरुमा यहि बाटोलाई मध्येपहाडी लोकमार्गमा जोड्ने प्रयास गरिएको थियो । पछि राजनीतिक खिचातानीका कारण बाटो अन्तैबाट गयो ।
एमालेको मध्यपहाडी लोकमार्ग यात्रा आज गण्डकी प्रदेश अन्तर्गतको लम्जुङमा पुगेको छ । १४ मंसिरमा थालिएको यो यात्रा १ पुसमा पाँचथरमा पुगेर रोकिनेछ ।
