काठमाडौं, मंसिर २४ । आज बिहान उपत्यकाको न्यूनतम तापक्रम ६.२ डिग्री सेल्सियस मापन गरिएको छ । जल तथा मौसम विज्ञान विभागको मौसम पूर्वानुमान महाशाखाका अनुसार आज विहान मापन गरिएको तापक्रम यस वर्षको अहिलेसम्मकै कम मापन गरिको छ ।
महाशाखाका अनुसार आज कोशी, गण्डकी र बागमतीमा बदली हुनेछ भने कोशी र गण्डकी प्रदेशका उच्च पहाडी भूभागका केही स्थानमा हिमपातको सम्भावना छ। बदलीसँगै देशभर चिसो बढ्दै जाने महाशाखाले जनाएको छ । त्यसैगरी पूर्वी तराईका जिल्लाहरूमा आज बिहानैदेखि बाक्लो हुस्सु कुहिरो लागेको छ। हुस्सु कुहिरो क्रमिक रूपमा बढ्दै जानेसमेत महाशाखाले जनाएको छ।
