काठमाडौं, २५ मंसिर । नेपाली कांग्रेस सर्लाहीका नेता विकास कुमार ठाकुरले डा. अमरेश कुमार सिंहको सम्पत्ति छानविन हुन आवश्यक रहेको बताएका छन् ।
आज (सोमबार) रिपोर्टर्स क्लब नेपालमा पत्रकार सम्मेलन गर्दै उनले १५ वर्षअघि स्प्लेन्डर मोटरसाइकल चढ्ने हैसियत नभएका अमरेशले रोजगारी र ब्यवसाय बिनाले दलाली गरेर अकुत सम्पत्ति आर्जन गरेको आरोप लगाएका हुन् ।
अमरेशलाई कांग्रेसले पार्टीबाट निश्कासन गरेको उनको दाबी छ । अमरेशले विभिन्न बहाना बाजी गर्ने गरेको उनको भनाई छ । अमरेश अहिले अर्बौंको मालिक रहेको उनको दाबी छ ।
आफूले गरेको दलाली बिर्सेर उनले आफैंलाई राष्ट्रवादी घोषणा गरेको उनको दाबी छ । आफूले करिब नौ महिना अघिनै अमरेशविरुद्ध अख्तियार दुरुपयोग अनुसन्धान आयोग र सम्पत्ति सुद्धीकरण विभागमा उजुरी दिएको बताए ।
अमरेशले प्रधानमन्त्री पुष्पकमल दाहाल ‘प्रचण्ड’ पुत्री गंगा दाहालमाथि मिथ्या आरोप लगाएको दाबी गरे ।
