काठमाडौं, मंसिर २६। नेपाली बजारमा आज सुनको मूल्य ७ सय रुपैयाँले घटेको छ । सोमबार प्रतितोला एक लाख १७ हजार रुपैयाँमा कारोबार भएको छापावाला सुनको मूल्य आज प्रतितोला एक लाख १६ हजार ३०० रुपैयाँमा कारोबार भइरहेको छ ।
नेपाल सुनचाँदी व्यवसायी महासंघका अनुसार आज तेजावी सुन तोलामा १ लाख १५ हजार ७५० रुपैयाँमा कारोबार भइरहेको छ । आज चाँदीको मूल्य भने स्थिर छ । आज चाँदी प्रतितोला १ हजार ४ सय १० रुपैयाँमा कारोबार भइरहेको छ ।
