काठमाडौं,२७ मंसिर । राष्ट्रिय प्रजातन्त्र पार्टी (राप्रपा) ले पृथ्वी जयन्तीको अवसरमा कविता प्रतियोगिता आयोजना गरेको छ ।
राप्रपा प्रवक्ता मोहन श्रेष्ठले ३०२ औं पृथ्वी जयन्तीको अवसरमा पुस २७ गते राप्रपाले ४० वर्ष ननाघेका युवाको कविता प्रतियोगिता गर्न लागेको जानकारी दिए ।
प्रतियोगीहरूले कवितासँगै नागरिकताको फोटोकपी पनि पठाउनुपर्ने राप्रपाले जनाएको छ । कविता लेखेर पुसको १५ गतेभित्र [email protected] इमेल गर्न वा धुम्बाराहीस्थित पार्टी केन्द्रीय कार्यालय आएर पनि बुझाउन सकिने प्रवक्ता मोहन श्रेष्ठले बताए।
कविता पाँच सय शब्द नबढाई लेख्नुपर्ने हुन्छ। पहिलो हुनेलाई एक लाख, दोस्रोलाई ५० हजार, तेस्रोलाई २५ हजार र अन्य तीन जनालाई १०/१० हजार रुपैयाँका दरले पुरस्कार दिइने उनले बताए।
पुरस्कृत कविता पुस २७ गते भृकुटीमण्डमा हुने समारोहमा कविहरूबाट बाचन गरिनेछ । स्वदेश र विदेशमा रहेका कविहरूले प्रतियोगितामा भाग लिन पाउनेछन् ।
