काठमाडौं,२९ मंसिर । यूएईमा जारी एसीसी यू-१९ एसिया कपको सेमिफाइनलमा भारतले बंगलादेशलाई १८९ रनको मध्ययम लक्ष्य प्रस्तुत गरेको छ ।
दुबईस्थित ओभल-१ मैदानमा टस हारेर सुरुवातमा ब्याटिङ गरेको भारतले ४२.२ अोभरमा अलआउट हुँदै १८८ रन जोड्यो । उसका लागि मुरुगन अभिषेकले ६२ तथा मुशीर खानले ५० रनको अर्धशतकीय पारी खेले । त्यस्तै प्रियांशु मोलियाले १९ रन थप्दा अन्य कुनैपनि खेलाडीले राम्रो रन जोड्न सकेनन् ।
बलिङतर्फ बंगलादेशका मारुफ मृधा एक्लैले ४ विकेट लिए । १० ओभर बलिङ गरेका उनले १ मेडन राख्दै ४१ रन खर्चिएका थिए । त्यस्तै रोहनत दोल्लाह बोर्सन र शेख पावेज जीवनले समान २ विकेट लिँदा महफुजुर रहमान रब्बीले एक विकेट लिए ।
यो खेलको विजेताले यूएई र पाकिस्तानबीचको खेलका विजेतासँग उपाधिका लागि भिड्नेछ ।
