काठमाडौं, २९ मंसिर । डा. गोविन्द केसी धागढीस्थित गेटा मेडिकल कलेजमा आमरण अनशन बस्ने भएका छन् । सरकारले विगतमा पटक–पटक गरेको सहमति कार्यान्वयन नगरेको भन्दै उनी अनशन बस्न लागेका हुन् । आज बेलुका पाँच बजेदेखि अनशन बस्ने उद्घोष गरेका डा. केसीले अनशन स्थल भने सार्वजनिक गरेका थिएनन् । अन्ततः उनले अनशनस्थल गेटा मेडिकल कलेजलाई रोजेका हुन् ।
डा. केसीले सरकारी अस्पतालहरुमा मागअनुसार दरबन्दी थप गर्दै क्षमता बढाउने र सबै निःशुल्क औषधिहरु पाइने सुनिश्चित गर्ने माग राखेका छन् ।
उनले विश्वविद्यालय र प्रतिष्ठानहरुमा पदाधिकारी नियुक्तिको मापदण्डसहित कानूनी व्यवस्था गर्ने, ऐन जारी नहुंदासम्म दलीय भागवण्डा निषेध गर्दै यस अगाडि सम्झौता भए बमोजिमका मापदण्डअनुसार तुरुन्त विश्वविद्यालयहरुमा नियुक्ति गर्ने, एकीकृत प्रतिष्ठान ऐन शीघ्र जारी गर्ने लगाएतका माग राखेका छन् । डा. केसीले यसअघि पनि कयौं पटक अनशन बसिसकेका छन् ।
