![](https://reportersnepal.com/wp-content/uploads/2023/12/Foreign_Minister_of_Sri_Lanka_Ali_Sabry_in_2022.jpg)
काठमाडौं, पुस ३ । श्रीलंकाका विदेशमन्त्री अली साब्री तीन दिने भ्रमणमा काठमाडौं आउँदै छन् । नेपाल–श्रीलङ्का संयुक्त आयोगको बैठकमा सहभागी हुन उनी बुधबार काठमाडौं आईपुग्दैछन् ।
बैठकमा व्यापार तथा लगानी, पर्यटन, शिक्षा, संस्कृति, रक्षा, जनसम्पर्क तथा कनेक्टिभिटीलगायत द्विपक्षीय सहकार्यका विषयमा छलफल हुने जनाएको छ ।
बैठकपछि विज्ञान, प्रविधि तथा अन्वेषणका क्षेत्रमा सहकार्यसम्बन्धी समझदारी पत्रमा हस्ताक्षर हुने छ ।
नेपाल बसाईको क्रममा उनले राष्ट्रपति रामचन्द्र पौडेल, प्रधानमन्त्री पुष्पकमल दाहाल प्रचण्डसँग शिष्टाचार भेट गर्नेछन् ।