काठमाडौं,६ पुस । सर्वोच्च अदालतमा लामो समयपछि एकैदिन १० इजलास बसेको छ । शुक्रबार सर्वोच्चमा एउटा पूर्ण, एक एकल र अन्य संयुक्तगरी कूल १० वटा इजलास तय गरिएको हो ।
सर्वोच्चमा बुधबार नियुक्त भएका नवनियुक्त ६ न्यायाधीशले पनि आजबाट इजलासमा बस्न सुरु गरेका छन् । शुक्रबार सर्वोच्चका ६ जना नवनियुक्त न्यायाधीशको पेशी तोकिएको छ ।
जसमा बालकृष्ण ढकालले डा.नहकुल सुवेदीसहितको संयुक्त इजलास,त्यस्तै नवनियुक्त अर्का न्यायाधीश टेकप्रसाद ढुंगाना तिलप्रसाद श्रेष्ठसँगको इजलासमा,सारंगा सुवेदी सुष्मालता माथेमाको इजलासमा,सुनिल पोखरेल हरिप्रसाद फुयालको इजलासमा परेका छन् ।
त्यस्तै नवनियुक्त अर्का न्यायाधीश अब्दुल अजिम मुसलमान डा.मनोजकुमार शर्माको इजलासमा र महेशकुमार शर्मा पौड्याल डा.कुमार चुडालको इजलासमा परेका छन् ।
